Ekki missa af árlegu friðarráðstefnunni okkar, The Imagine Forum, mánudaginn 12.október í Silfurbergi Hörpu. Í tilefni þess að í ár eru 40 ár liðin frá hinum sögulega leiðtogafundi í Höfða verður litið til fortíðar og rætt hvaða lærdóm megi draga af þeim tímamótafundi. Geta ríki enn unnið að diplómatískum lausnum á tímum vaxandi spennu í heiminum? Hver er framtíð alþjóðlegra afvopnunarsamninga og friðarumleitana?
Höfði friðarsetur starfar undir Alþjóðamálastofnun Háskóla Íslands og er samstarfsverkefni Háskóla Íslands og Reykjavíkurborgar. Setrið var stofnað árið 2016 og hefur það að markmiði að stuðla að þverfræðilegum og alþjóðlegum rannsóknum í friðar- og átakafræðum, ýta undir upplýsta stefnumótun og aukið framboð á kennslu og fræðslu fyrir almenning á sviði friðar- og átakafræða.
