Sergey Radchenko er sagnfræðingur og prófessor við School of Advanced International Studies (SAIS) við Johns Hopkins-háskóla, þar sem hann er Rupert Murdoch-prófessor og forstöðumaður Bologna Institute for Policy Research. Hann er einn fremsti fræðimaður samtímans á sviði sögu kalda stríðsins og beinast rannsóknir hans meðal annars að kjarnorkusögu, utanríkisstefnu Rússlands og Kína og alþjóðasamskiptum í Austur- og Mið-Asíu.

Radchenko er upphaflega frá Sakhalín-eyju í Rússlandi en stundaði nám í Bandaríkjunum, Hong Kong og Bretlandi. Hann lauk doktorsprófi frá London School of Economics árið 2005. Hann er höfundur nokkurra bóka um sögu kalda stríðsins, þar á meðal To Run the World: The Kremlin’s Cold War Bid for Global Power (2024).