Umhverfisvernd og sjálfbæra nýting auðlinda
Vinnustofa um umhverfisvernd og sjálfbæra nýtingu á auðlindum fer fram í Háskólanum á Akureyri þann 23. september frá kl. 8:30–16:00.
Markmið vinnustofunnar er að skapa opinn vettvang fyrir samtal um helstu áskoranir og rannsóknargetu hérlendis í tengslum við umhverfisvernd og sjálfbæra nýtingu auðlinda. Einnig er leitast við að styrkja sókn íslenskra aðila í erlenda samkeppnissjóði.
Háskólinn á Akureyri, Háskóli Íslands, Norðurslóðanet Íslands og Rannís standa að vinnustofunni sem er sú fjórða og síðasta í röð vinnustofa innan verkefnisins Sterkari staða Norðurslóðarannsókna á Íslandi. Vinnustofuröðin miðar að því að efla samtal og samráð rannsóknarumhverfisins hérlendis um málefni norðurslóða og er fjármagnað af samstarfssjóði háskóla á vegum menningar- nýsköpunar- og háskólaráðuneytisins.
Ferðastyrkir verða í boði fyrir þátttakendur frá menntastofnunum utan Akureyrar.
Dagskrá og nánari upplýsingar verða birtar síðar. Athugið að vinnustofan fer fram á íslensku.