Kosningar í Færeyjum

Opinn fundur: Mánudaginn 31. ágúst kl. 12-13:15 í Norræna húsinu

Þingkosningar fara fram í Færeyjum þriðjudaginn 1. september. Í tilnefni þess verður efnt til hádegisfundar um kosningarnar og færeysk stjórnmál.

Petur Petersen, sendiherra Færeyja á Íslandi, flytur erindi um kosningarnar og stjórnmál í Færeyjum.

Í kjölfar þess verður rætt um stöðuna í færeyskum stjórnmálum í pallborði með áhugafólki um færeysk stjórnmál.

Fundarstjóri: Björg Eva Erlendsdóttir, formaður Norræna félagsins í Reykjavík.

Upplýsingaskrifstofan Norðurlönd í fókus, Norræna félagið í Reykjavík, Færeyska ræðismannsskrifstofan og Alþjóðamálastofnun Háskóla Íslands standa að fundinum.

Fundurinn er öllum opinn.