Opinn fundur 5. maí: Bresku kosningarnar 2015

Hádegisfundur Félags stjórnmálafræðinga, Alþjóðamálastofnunar Háskóla Íslands og Edinborgarfélagsins

Félag stjórnmálafræðinga, Alþjóðamálastofnun Háskóla Íslands og Edinborgarfélagið efna til fundar þriðjudaginn 5. maí kl. 12-13 í stofu 101 í Odda Efni fundarins er bresku þingkosningarnar 2015.

Framsögumenn eru Eva Bjarnadóttir stjórnmálafræðingur, Ólafur Þ. Harðarson, prófessor í stjórnmálafræði og Bogi Ágústson, fréttamaður á RÚV. Þau velta meðal annars upp spurningum um hvað hefur einkennt bresku þingkosningarnar að þessu sinni, hvort að Skotland muni ráða úrslitum og hvort að breska kosningakerfið sé komið í öngstræti.

Allir velkomnir. Fundurinn fer fram á íslensku.

———————
Eva Bjarnadóttir: Sjálfstæði, þjóðerni og daður við fordóma

Kosningabaráttan í Bretlandi er gott dæmi um hversu flókin lýðræðisleg umræða getur orðið í alþjóðlegu umhverfi. Í því ljósi er áhugavert að skoða hvaða áhrif stefnumál Breska sjálfstæðisflokksins, UKIP, um sjálfstæði, þjóðerni og innflytjendur hafa haft á dagskrá kosninganna.

———————
Ólafur Þ. Harðarson: Kosningakerfi í kreppu?

Í annað skiptið í röð virðist breska kosningakerfið ekki ætla að skila neinum flokki hreinum meirihluta – sem oft er þó talinn helsti kostur þess. Og margt er umhugsunarefni varðandi misvægi á hlutfalli atkvæða og fjölda þingmanna ef skoðanakannanir ganga eftir.

———————
Bogi Ágústsson: Ræður Skotland úrslitum?

Allt bendir til þess að Skoski þjóðernisflokkurinn muni sigra kosningarnar í Skotlandi. Mun það mögulega hafa áhrif á heildarniðurstöður bresku þingkosninganna 2015?

———————
Að loknum erindum fara fram umræður og fyrirspurnir undir stjórn Evu H. Önnudóttur, stjórnmálafræðings, og skal fyrirspurnum um fundinn beint til hennar (eho@hi.is).