Opinn fundur 3. mars: Dýravelferð á Íslandi og í Evrópu

Þriðjudaginn 3. mars kl. 9:00-10:30 í fundarsal Þjóðminjasafnsins

Opinn fundur á vegum Alþjóðamálastofnunar Háskóla Íslands í samstarfi við Evrópustofu

Dýravelferð á Íslandi og í Evrópu

Á þessum fundi verður fjallað um hvernig Ísland er að standa sig í samanburði við Evrópu þegar kemur að velferð dýra. Rætt verður um þróun málaflokksins að undanförnu og hvaða áhrif stefna Evrópusambandsins hefur á löggjöf á Íslandi.

——————————–                                                                                                                        

Er dýravelferð viðskiptahindrun?

Í sáttmálum Evrópusambandsins er það skilyrði sett fram að velferð dýra sé höfð að leiðarljósi við mótun og framkvæmd stefnu sambandsins í lykilmálaflokkum. Í þessum fyrirlestri verður fjallað um hvernig þróunin hefur verið í þessum málum í Evrópusambandinu, hvaða hindranir hafa verið í veginum og hvaða aðferðum er beitt til að tryggja að reglum sé fylgt.

Terence Cassidy er yfirmaður velferðarmála dýra hjá matvælastofnun framkvæmdastjórnar Evrópusambandsins.

——————————- 

Ný dýravelferðarlöggjöf á Íslandi: Hvar stöndum við í samanburði við Evrópu?

Í þessu erindi verður ný dýravelferðarlöggjöf á Íslandi borin saman við gildandi stefnu ESB í dýravelferðarmálum. Hvaða ESB reglugerðir varðandi dýravelferð hafa þegar verið innleiddar hér á landi? Hvað hefur verið samþykkt að innleiða og hverju hefur það breytt hér á Íslandi?

Þóra Jóhanna Jónasdóttir er dýralæknir gæludýra og dýravelferðar hjá Matvælastofnun.

——————————– 

Eftir erindin verða pallborðsumræður:
Erna Bjarnadóttir frá Bændasamtökum Íslands
Dominique Plédel Jónsson frá Neytendasamtökunum
Sif Traustadóttir frá Dýraverndarsambandi Íslands

Fundarstjóri:
Daði Már Kristófersson, forseti Félagsvísindasviðs Háskóla Íslands.

Fundurinn fer fram á ensku. Allir velkomnir.
Boðið verður upp á kaffiveitingar frá kl. 8:30 til 9:00.

Alþjóðamálastofnun á Facebook: www.facebook.com/althjodamalastofnun
Evrópustofa á Facebook: www.facebook.com/evropustofa    

Alþjóðamálastofnun Háskóla Íslands, í samstarfi við Evrópustofu, stendur á næstunni fyrir opnum fundum
um málefni sem eru ofarlega í umræðunni í Evrópu um þessar mundir. Sjónum verður sérstaklega beint að EES-samningnum, norðurslóðum, dýravelferð, heilbrigðisþjónustu yfir landamæri, utanríkismálum og stjórnmálaástandinu í Evrópu.