Opinn fundur 3. febrúar kl. 12-13: Hryðjuverk í Evrópu

Opinn fundur á vegum Alþjóðamálastofnunar og Stjórnmálafræðideildar Háskóla Íslands þriðjudaginn 3. febrúar kl. 12-13 í Öskju 132.

HRYÐJUVERK Í EVRÓPU

 

Hugmyndafræði, hreyfingar og hryðjuverk: París og Mið-Austurlönd
Í þessu erindi verður fjallað um tengsl atburðanna í París og stjórnmálasögu Mið-Austurlanda á 21. öld. Er spennan og óstöðugleikinn fyrir botni Miðjarðarhafs farinn að breiðast út til Evrópu? Hvað þarf að hafa í huga og hvaða ráðstafanir þurfa Evrópubúar að taka til að lágmarka frekari árásir?

Magnús Þorkell Bernharðsson, prófessor við Williams háskóla í Bandaríkjunum.

——————————–

Hvert stefnir Frakkland á komandi árum?

Í þessu erindi verður fjallað um að hvaða leyti árásin á Charlie Hebdo, og umræðurnar í kjölfar hennar, muni mögulega hafa áhrif á frönsk stjórnmál og samfélagið í heild á komandi árum. Er Frakkland eins og við þekkjum það í dag að líða undir lok?

Gérard Lemarquis, kennari og fréttaritari.

————————–

Fundarstjóri: Sigríður Víðis Jónsdóttir, starfsmaður UNICEF á Íslandi og höfundur bókarinnar Ríkisfang: Ekkert.

Alþjóðamálastofnun á Facebook: www.facebook.com/althjodamalastofnun

Fundurinn fer fram á íslensku og er opinn öllum.