Opinn fundur: Geta skrifræði og sköpunargáfa farið saman? Reynsla leiðtogaráðs ESB

Föstudaginn 14. nóvember kl. 12:00-13:00 í Lögbergi 101

Opinn fundur á vegum Alþjóðamálastofnunar og Stjórnmálafræðideildar Háskóla Íslands í samstarfi við Evrópustofu


Geta skrifræði og sköpunargáfa farið saman? Reynsla leiðtogaráðs Evrópusambandsins

Leiðtogaráð Evrópusambandsins var upphaflega vettvangur fyrir þægilegt „kaffispjall“ milli leiðtoga aðildarríkja sambandsins. Með aukinni stofnanavæðingu og formlegri vinnubrögðum hefur markvisst verið unnið að því að bæta starfsemi leiðtogaráðsins; settar hafa verið skýrar reglur um undirbúning, framvindu og snið leiðtogafundanna sem miða að því að gera þá skilvirkari. En hvaða áhrif hefur þetta haft á möguleika ráðsins til að sinna sínu upphaflega hlutverki: að móta pólitíska sýn og langtímastefnu sambandsins?  Hefur aukið skrifræði og stofnanavæðing áhrif á getu leiðtogaráðsins til að leiða Evrópusambandið fram á við og vera skapandi uppspretta nýrra hugmynda og stefnumála? Eru þetta andstæðir pólar sem ekki er hægt að sameina?


Maria Strömvik
er lektor í stjórnmálafræði og aðstoðarforstöðumaður Evrópufræðasetursins við Háskólann í Lundi. Maria starfar nú sem gestakennari við Stjórnmálafræðideild Háskóla Íslands. 

Fundarstjóri: Silja Bára Ómarsdóttir, aðjúnkt við Stjórnmálafræðideild Háskóla Íslands.

Alþjóðamálastofnun á Facebook: www.facebook.com/althjodamalastofnun
Evrópustofa á Facebook: www.facebook.com/evropustofa