Fundaröð Alþjóðamálastofnunar 3. og 5. apríl

Evrópusambandið: Breytilegur samruni eða ein leið fyrir alla?  Næsti fundur í Evrópufundaröð Alþjóðamálastofnunar fer fram miðvikudaginn 3. apríl kl. 12-13 í fundarsal Norræna hússins. Fundurinn er haldinn í samstarfi við franska sendiráðið, Evrópustofu og styrkur af Jean Monnet sjóði Evrópusambandsins. Í Evrópusambandinu eru uppi fjölmargar hugmyndir um það hvort og þá hvernig ríki geta tekið þátt í Evrópusamrunanum með ólíkum og mismiklum hætti. Umræður af þessu tagi er ekki nýjar af nálinni en eru nú háværari en áður. Óhjákvæmilega gengur tal um mismikla þátttöku í samrunaferlinu þvert á hugmyndina um „sífellt nánara samband“ (e. ever closer union), sem hefur verið lykilatriði í sáttmálum Evrópusambandsins. En „breytilegur samruni“ (e. differentiated integration) er enn óljóst hugtak sem getur leitt okkur í margar áttir. Hvaða leiðir eru færar? Hvað segja þær okkur um framtíð Evrópusambandsins? Og hvaða efnahagslegu og pólitísku áhrif gætu þær haft?  Vivien Pertusot er forstöðumaður frönsku Ifri hugveitunnar í Brussel, en hún er leiðandi á sviði alþjóðamála. Hann vann áður hjá NATO and Carnegie Europe og kenndi einnig stjórnmálafræði í háskólanum Lille 2. Skrif hans hafa birst víða, þ.á.m. í Le Monde, Euractiv, Atlantico, Atlantic Community, RUSI, Carnegie Europe og The New Atlanticist.

 

Titill: Verndarstefna eða frjálshyggja? Evrópski markaðurinn og staða Evrópusambandsins í alþjóðastjórnmálum.  Föstudaginn 5. apríl kl. 12-13 í fundarsal Norræna hússins heldur Guillaume Xavier-Bender erindi um efnahagsmálin í Evrópu. Fundurinn er haldinn í samstarfi við franska sendiráðið, Evrópustofu og styrkur af Jean Monnet sjóði Evrópusambandsins.Líklegasta leið Evrópusambandsins til þess að hafa áhrif í utanríkismálum er ef til vill að beita efnhagslegum styrk sínum. Efnahagskrísan hefur ekki minnkað stuðning við opna markaði almennt, en hinsvegar þá hefur komið upp ríkari krafa um að vernda evrópska markaði og samfélög. Með hvaða hætti vinnur Evrópusambandið að framgangi og verndun efnahagslegra og félagslegra gilda sinna í alþjóðakerfinu? Hvaða áhrif hefur hinn sameiginlegi markaður og sameiginleg myntstefna Evrópusambandsins á sýn utanaðkomandi aðila á sambandið? Með hvaða hætti styður stefnumörkun á sviði efnahagsmála og þróunarsamvinnu víðari stefnu á sviði utanríkismála? Guillaume Xavier-Bender starfar hjá the German Marshall Fund í Brussel og sér um starf sem snýr að viðskiptum, þróunarsamvinnu og efnahagsmálum. Hann fylgist vel með stefnu Evrópusambandsins og stjórnmálum á þessu sviði og starfar í samvinnu við þá sem vinna að þessum málum í Brussel. Hann starfaði áður á skrifstofu forsætisráðherra Frakklands í París.