Jafnrétti, friðarferlar og öryggismál – Fundur fimmtudaginn 4. nóvember kl.16

Fimmtudaginn 4. nóvember verður haldið málþing um jafnrétti, friðarferla og öryggismál í Þjóðminjasafninu, kl. 16.00-17.00. Samstarfsaðilar um málþingið eru EDDA – öndvegissetur, GET –  Alþjóðlegur jafnréttisskóli og Alþjóðamálastofnun Háskóla Íslands.

Öryggisráð Sameinuðu þjóðanna samþykkti fyrir áratug ályktun 1325 um konur, frið og öryggi.  Í ályktuninni er lögð áhersla á mikilvægi þess að tryggja konum þátttöku í uppbyggingarstarfi og friðarferlum.  Þar  eru Sameinuðu þjóðirnar og aðildarríki þeirra hvattar til að taka mið af reynslu  og sýn beggja kynja í allri stefnumótun á því sviði. Stofnun um lýðræðisstjórn herja í Genf (DCAF, www.dcaf.is) gegnir mikilvægu hlutverk í umbótum og stjórnarháttum á sviði alþjóðlegra öryggismála.  Anja Ebnöther, einn helsti sérfræðingur DCAF, mun fjalla um hindranir sem standa í vegi fyrir því að nota kynjafræðilega nálgun þegar umbætur eru gerðar á sviði öryggismála og hvernig hægt er að yfirstíga þær til að tryggja öryggi og réttlæti fyrir konur og karla.

Í pallborði sitja:

•       Anja Ebnöther, aðstoðarframkvæmdastjóri og sérfræðingur við 
        Stofnun um lýðræðisstjórn herja í Genf (DCAF)
•       Valur Ingimundarson, prófessor í sagnfræði við Háskóla Íslands
•       Birna Þórarinsdóttir, stjórnmálafræðingur
•       Silja Bára Ómarsdóttir, aðjúnkt í stjórnmálafræði við Háskóla Íslands